Новиот министер има градежно земјиште над милион евра

Агон Ферати пријавил имот вреден над милион евра

Агон Ферати, новиот министер за политички систем и односи меѓу заедниците, во анкетниот лист доставен до Државната комисија за спречување на корупцијата пријавил две градежни парцели во близина на Тетово. Едната парцела е со површина од 4.400 квадратни метри, проценета на 52.000 денари и стекната со договор за подарок. Втората парцела има површина од 2.200 квадратни метри, проценета на 26.532.000 денари, а е стекната со купопродажен договор, објави Фактор.

Пријавил и два стана

Ферати освен што има има градежно земјиште над милион евра, во анкетниот лист пријавил и два стана во Тетово. Едниот стан, купен минатата година, е пријавен со вредност од 35.000 евра, додека вториот, купен пред три години, е проценет на 110.000 евра. Во имотниот лист е наведен и „Фолксваген пасат“ од 2014 година.

Нов министер по владината реконструкција

Ферати е еден од новите членови на Владата по јулската реконструкција. Пред да стане министер, бил шеф на кабинетот на Мендух Тачи во ДПА и прв потпретседател на Движењето за реформи на ДПА. Подоцна бил надвор од јавната сцена, а повторно се активирал како кадар на ВРЕДИ.