ПОЧНА СЕЗОНАТА НА СТОМАЧНИ ВИРУСИ: Сè повеќе пациенти заболени со дијареја и повраќање

Расте бројот на заболени

Почна сезоната на стомачни вируси, а лекарите бележат зголемен број пациенти со дијареја и повраќање. Докторката Мира Атанасова посочува дека дневно се јавуваат околу 15 пациенти со вакви симптоми, додека кај помалите деца може да се појави и покачена температура. Кај еден тинејџер лабораториски е потврден бока вирус, кој може да предизвика потешка клиничка слика со повеќедневно повраќање и дијареја.

Педијатрите предупредуваат и на респираторни инфекции

Според Атанасова, кај децата во овој период се зголемуваат и горнореспираторните инфекции, кои најчесто се манифестираат со течење на носот и кашлица. Таа посебно ги предупредува родителите да бидат внимателни со бебињата, особено во периодот кога се зголемува бројот на вирусните инфекции. Во меѓувреме, педијатрите забележуваат намалена појава на ротавирусни инфекции, за кои постои вакцина и кои во потешки случаи можат да бараат болничко лекување.