ПОСКАПУВААТ ГОРИВАТА ВО МАКЕДОНИЈА: Бензините поскапуваат за 2, а дизелот за 1 денар

Регулаторната комисија за енергетика донесе нова одлука со која од утре, 3 ноември, се зголемуваат малопродажните цени на горивата во Македонија. Бензините ЕУРОСУПЕР БС-95 и ЕУРОСУПЕР БС-98 поскапуваат за два денари по литар, додека дизелот ќе има повисока цена за еден денар. Со новата одлука, максималната цена на ЕУРОСУПЕР БС-95 ќе изнесува 93 денари за литар, а ЕУРОСУПЕР БС-98 ќе се продава за 95 денари.

Новата максимална цена на ЕУРОДИЗЕЛ ќе изнесува 100 денари за литар. Цената на екстра лесното масло за домаќинство останува непроменета и ќе изнесува 110 денари за литар. Малопродажните цени на нафтените деривати во просек се зголемуваат за 1,55 проценти во однос на претходната одлука од 26 октомври. Од Регулаторната комисија посочуваат дека станува збор за максимални цени, а трговците можат да ги продаваат горивата и пониско.