РАМА МУ ОДГОВОРИ НА ВУЧИЌ: „Ибар ќе тече по географија, а не по фолклор“

Рама реагираше на најавата за Ибар

Албанскиот премиер Еди Рама реагираше на изјавата на српскиот претседател Александар Вучиќ дека Србија ја разгледува можноста за пренасочување на текот на реката Ибар на своја територија. Рама порача дека реката ќе продолжи да тече според географијата, а не според политичкиот „фолклор“, повикувајќи се и на меѓународното право за водите.

„Србија го загуби Косово“

Рама ги отфрли обвинувањата дека Албанија има територијални претензии кон Србија и порача дека Тирана го поддржува правото на Косово да ја определува сопствената иднина. Тој истакна дека правата, безбедноста, имотот, јазикот и културното и верското наследство на српската заедница во Косово мора целосно да бидат заштитени. Рама порача дека добрососедските односи не значат соседите да живеат во туѓа верзија на историјата. Според него, Балканот веќе платил превисока цена за конфликтите и поделбите, а стабилно и демократско Косово е важно за стабилноста на целиот регион.