Речиси 5.000 казни за една недела: Брзото возење и понатаму е најчест сообраќаен прекршок

Најголем број санкции за пречекорена брзина

Во периодот од 16 до 22 февруари, системот „Безбеден град“ регистрирал вкупно 4.910 сообраќајни прекршоци преку камерите поставени на повеќе локации низ државата. Најголемиот дел од санкциите се однесуваат на возачи кои ја надминале дозволената брзина, при што се евидентирани 4.691 таков прекршок.

Намален број возачи поминале на црвено светло

Покрај брзото возење, системот регистрирал и 16 случаи на минување на црвено светло, што претставува значително намалување во споредба со претходните недели. Од Министерството за внатрешни работи повторно апелираат возачите да ги почитуваат сообраќајните правила, со цел да се зголеми безбедноста на патиштата и да се намали бројот на несреќи.