СО 3,29 ПРОМИЛИ АЛКОХОЛ НАПРАВИЛ СООБРАЌАЈКА ВО СКОПЈЕ: Полицијата го уапси 34-годишниот возач

Полицијата вчера го лишила од слобода 34-годишниот И.А.Л. од Скопје, откако било утврдено дека управувал возило под дејство на алкохол. Претходно, околу 15:10 часот на улицата „Пролет“, тој со автомобил „матиз“ учествувал во сообраќајна незгода со „хонда“, управувана од 20-годишен скопјанец. Во незгодата била причинета материјална штета.

При увидот, полициските службеници утврдиле дека 34-годишникот имал 3,29 промили алкохол во крвта. Возилото било одземено, а за случајот бил известен јавен обвинител. По целосно документирање на настанот, против возачот ќе биде поднесена соодветна пријава.