ТРАГИЧЕН КРАЈ НА ПОТРАГАТА КАЈ СИМИ: Пронајден мртов исчезнатиот германски турист

Седуммина туристи биле спасени

Германскиот турист кој исчезна во близина на грчкиот остров Сими е пронајден мртов по повеќедневна спасувачка акција. Тој бил дел од група од осум германски туристи кои пловеле со едрилица, а потоа ја напуштиле откако се појавиле проблеми. Едрилицата била забележана како неконтролирано плови во морето, по што грчката крајбрежна служба започнала голема потрага. Седум лица биле пронајдени живи на морето и на блискиот брег.

Телото било пронајдено западно од островот

Во акцијата учествувале патролни бродови, пловило за операции на отворено море и хеликоптер „Супер пума“. Двајца туристи успеале сами да допливаат до брегот, еден бил пронајден од рибарски чамец, а четворица биле лоцирани од крајбрежната служба. Потрагата по последниот исчезнат патник продолжила и на море и на копно. Неговото тело било пронајдено во утринските часови во морскиот дел западно од Сими и подоцна било идентификувано.