ТРАМП НАЈАВИ ЦАРИНИ ОД 50 ОТСТО ЗА КАНАДСКИТЕ АВТОМОБИЛИ: Нови мерки од 1 јануари

Американскиот претседател Доналд Трамп најави дека царините за увоз во САД на автомобили, камиони, автомобилски делови и челик од Канада ќе бидат зголемени на 50 отсто од 1 јануари 2027 година. Најавата доаѓа по неуспехот на трговските преговори меѓу Вашингтон и Отава. Трамп порача дека канадските производители можат да избегнат царини доколку производството го префрлат во САД.

Доналд Трамп: „Произведувајте во САД и царините се нула“

Во објавата на својата социјална мрежа, Трамп остро ја критикуваше Канада, оценувајќи дека земјата е меѓу најтешките партнери за соработка во трговијата. Во моментов САД применуваат царина од 25 отсто за увоз на патнички и товарни автомобили и соодветните делови од Канада. Новото зголемување би значело двојно повисока царинска стапка за овие производи.

Канада подготвува противмерки

Вашингтон и Отава во петокот не успеаја да постигнат трговски договор, по што двете страни меѓусебно се обвинија за неуспехот. Канадската влада веќе се подготвува да воведе противмерки и дополнителни царини за одредени американски производи. Американските царини засега опфаќаат канадска стока вредна околу 20 милијарди долари, меѓу која се хокејски стапови, мебел, бакар и вино.