ВИДЕО ОД СОЛУН: Колумбиецот Јанко ја запеа „Велат нè нема“ среде Лададика

Колумбиецот Јанко Пењафорт, познат по својата љубов кон Македонија и македонската музика, повторно го привлече вниманието на јавноста. Заедно со членовите на групата „ВардарАнди“, тој ја испеа патриотската песна „Велат нè нема“ од Влатко Миладиноски среде Солун.

Македонска песна во срцето на Солун

Изведбата била снимена пред ресторан со името „Солун“, лоциран во познатиот историски и боемски кварт Лададика. На видеото се гледа како Јанко и групата со многу емоции ја изведуваат песната во самиот центар на градот.

„Кога една песна ја носи Македонија подалеку од границите“, напиша Пењафорт при објавувањето на снимката на својот профил на Фејсбук.

Снимката повторно стана актуелна

Видеото првпат било објавено во септември 2025 година, а Јанко сега повторно го сподели и ја потсети јавноста на настапот. Снимката предизвика бројни позитивни реакции, особено поради изборот македонската патриотска песна да биде изведена среде Солун.