35 ГОДИНИ НЕЗАВИСНОСТ: Македонија ја одбележа годишнината во Њујорк

Прием во Њујорк во чест на јубилејот

Во Њујорк вчера се одржа прием по повод 35-годишнината од независноста на Македонија, на кој присуствуваше владина делегација предводена од премиерот Христијан Мицкоски, дипломатски претставници, Македонци од дијаспората и претставници на други етнички заедници. Мицкоски во обраќањето порача дека минатото треба да се памети и од него да се извлекуваат поуки, а на иселениците им порача дека „вратата дома секогаш ви е отворена“.

Повик до дијаспората за враќање и инвестиции

Премиерот ги повика македонските граѓани од дијаспората да се вратат во татковината, да инвестираат и да придонесат во градењето на иднината на земјата. На приемот тој зборуваше и за економската состојба, при што го посочи растот на БДП од 4,3 отсто. Мицкоски истакна и дека Македонија во услови на безбедносни и енергетски кризи во Европа ја одржува стабилноста.