ТРОШОЦИТЕ ЗА ЖИВОТ ЗГОЛЕМЕНИ ЗА 3,3 ПРОЦЕНТИ: Транспортот и рекреацијата со најголемо поскапување

Трошоците на животот во октомври 2026 година се зголемиле за 3,3 проценти во споредба со истиот месец минатата година, покажуваат најновите податоци на Државниот завод за статистика. На месечно ниво, односно во споредба со септември, зголемувањето изнесува 0,4 проценти. Најголем годишен раст е забележан кај транспортот, рекреацијата и алкохолните пијалаци, додека храната и безалкохолните пијалаци поскапеле за 2,1 процент.

Транспортот поскапел за 9,5 проценти

Најголемо годишно зголемување има кај транспортот, каде трошоците се повисоки за 9,5 проценти. Рекреацијата, спортот и културата бележат раст од 8,5 проценти, а алкохолните пијалаци и тутунот поскапеле за 7,8 проценти. Поголеми трошоци се забележани и кај образованието со 5,6 проценти, рестораните и услугите за сместување со 4,9 проценти, како и домувањето, водата, електричната енергија, гасот и другите горива со 3,7 проценти.

Храната поскапела за 2,1 процент, покуќнината поевтинила

Кај храната и безалкохолните пијалаци годишното зголемување изнесува 2,1 процент. Единствено намалување меѓу наведените категории е регистрирано кај покуќнината и опремата за домаќинствата, каде трошоците се пониски за 1,3 проценти. Според статистичките податоци, просечните трошоци на животот во првите десет месеци од 2026 година биле повисоки за 3,6 проценти во споредба со истиот период лани.