Свет
Дознај прв
(ВИДЕО) НАД 100.000 ЛУЃЕ НА УЛИЦИТЕ ВО ФРАНЦИЈА: Петти викенд по ред масовни протести, најавен и нов штрајк
Петта сабота по ред масовни протести во Франција. Над 100.000 граѓани бараат повисок животен стандард и се противат на предложениот закон за полицијата.
Над 100.000 граѓани синоќа протестираа низ Франција, петта сабота по ред, против зголемените трошоци за живот, лошите услови во училиштата и предложените законски измени за полициските овластувања. Според француското Министерство за внатрешни работи, на улиците излегле околу 106.000 луѓе, од кои 24.000 во Париз, додека организаторите проценуваат дека имало околу 200.000 демонстранти. На протестите учествувале припадници на движењето „Жолти елеци“, средношколци, студенти и синдикалци од образовниот сектор. Во француската престолнина демонстрантите се собрале на плоштадот Република, едно од традиционалните места за големи јавни собири.
🇫🇷 Les Patriotes movement SHOWED UP at the protests in Paris, asking for Macron to LEAVE
A long banner at the front of the march reads “FREXIT” in the colors of the French flag, while the crowd chants “Macron, get out!”
Writer: Lucas
https://t.co/9MBIgl9ZQR— Mario Nawfal (@MarioNawfal) November 14, 2026
Синдикатите најавија нов штрајк
Незадоволството дополнително се зголеми откако синдикатите го отфрлија владиниот предлог за зголемување на минималната плата за 0,6 проценти, оценувајќи дека покачувањето е недоволно. Поради тоа, за вторник е најавен нов штрајк, со кој синдикатите ќе продолжат да вршат притисок врз властите за подобрување на животниот стандард и условите во образованието.
🇫🇷 Paris streets packed with protesters again for the 5th Saturday in a row.
Tens of thousands showed up with flags waving and there’s no sign of this ending soon.
How long can France keep going like this?
Writer: Daniyal
https://t.co/Pw0WPAfKya
— Mario Nawfal (@MarioNawfal) November 14, 2026
Спорен закон за полициските овластувања
Еден од главните поводи за протестите е предлог-законот со кој на полицајците и жандармите би им се обезбедила дополнителна правна заштита при употреба на огнено оружје за време на службените должности. Поддржувачите на предлогот, меѓу кои е и партијата на Марин Ле Пен, сметаат дека со него полициските службеници нема автоматски да се сметаат за виновни за пречекорување на овластувањата. Од друга страна, синдикатите и демонстрантите предупредуваат дека ваквите измени би можеле да го отежнат процесуирањето на случаите на полициско насилство.
