ГОЛЕМА АКЦИЈА КАЈ КАВАДАРЦИ: Пожарот се гасне на два правци, ангажирани повеќе служби

Екипите на терен од шест часот утринава

Од 6 часот утринава во тек е координирана акција за гаснење на пожарот на подрачјето на Општина Кавадарци. Според Центарот за управување со кризи, против огнената стихија се интервенира истовремено на два правци. На правецот Дреново – Ќесендре се ангажирани екипи на ЈП „Комуналец“ – Кавадарци, Министерството за внатрешни работи, Национални шуми – подружница „Бор“ и кавадаречката противпожарна единица. На располагање се ставени цистерни, камион, теренски возила и пожарникари.

Интервенција и во реонот на Раец

Во близина на селото Раец интервенираат екипи на „Комуналец“, противпожарните единици од Кавадарци и Неготино, како и полициски службеници. Надлежните служби ги координираат активностите со цел да се спречи понатамошно ширење на пламените јазици. Од ЦУК информираат дека акцијата за локализирање на пожарот продолжува на сите зафатени правци. Екипите остануваат на терен и ја следат состојбата во критичните делови од подрачјето.