(ВИДЕО) ИГОР И АНА ДУРЛОВСКИ ВО ЖИВО ЈА ИСПЕАЈА „ЉУБИ МЕ И ГЛАВАТА ГОРЕ“: Од Охрид започна караванот „Силно светнал ден“

објавено пред 1 ден

Вечерва во Охрид започна караванот „Силно светнал ден – 35 години независна Македонија“. Посебно внимание привлече настапот на Игор Дурловски и Ана Дурловски, кои во живо ја изведоа „Љуби ме и главата горе“ од легендарниот Зафир Хаџиманов.

Оваа песна, меѓу другото, се најде и во промотивниот спот за караванот кој денеска го објави премиерот Христијан Мицкоски, што ѝ дава дополнителна и убава симболика на вечерашната изведба. Публиката имаше можност да ужива во нивната интерпретација на познатата македонска песна. Нарацијата на настанот ја водеше Игор Џамбазов.

Караванот започна токму од Охрид, а низ музика и уметничка програма го одбележува јубилејот 35 години независна Македонија. Во продолжение погледнете дел од настапот на Игор и Ана Дурловски.