Мицкоски до Филипче: Виновен сум што не сте во затвор, туку уживате на јахти

Жестока дебата во Собранието меѓу премиерот Христијан Мицкоски и лидерот на СДСМ, Венко Филипче. Во своето обраќање, Мицкоски упати серија критики на сметка на Филипче и поранешната власт, обвинувајќи ги за одговорност за бројни афери и пропусти од минатото.

„Виновен сум што не сте во затвор, туку уште уживате на јахтите во Палури“, му порача Мицкоски на Филипче, додавајќи дека граѓаните очекуваат правда и одговорност.

Размената на обвинувања предизвика бурни реакции во собраниската сала и ја одбележа денешната седница, на која повторно се отворија прашањата за политичката одговорност и работата на институциите.