МАКЕДОНСКА ПРЕМИЕРА НА „Браќа Манаки“: „Нема да ви се верува што се случи претходно“

За затварање на „Браќа Манаки“

Со доделувањето на наградите „Камера 300“ вечерва свечено ќе биде затворено 47. издание на ИФФК „Браќа Манаки“ во Битола. Во рамки на завршната вечер ќе биде прикажан и дебитантскиот филм на режисерот Срѓан Јаниќијевиќ, „Нема да ви се верува што се случи претходно“, кој ќе ја има својата македонска премиера.

Политички трилер со познати актери

Филмот е политички трилер со елементи на црна комедија и ја следи приказната за двајца новинари во општество во кое политиката, криминалот и медиумите се испреплетени. Во центарот на приказната е компромитирачко видео поврзано со автократ, по што започнува потрага исполнета со тајни и обиди за зачувување на вистината и професионалниот интегритет. Главните улоги ги толкуваат Никола Ристановски и Дарја Ризова, а во актерската екипа се и Сашко Коцев, Сара Сандева и Оливер Митковски. Сценариото го потпишуваат Сашо Кокаланов и Дејан Дуковски, додека директор на фотографија е Дејан Димески.