ГЕРАСИМОВСКИ ИЗБРАН ЗА ПОТПРЕТСЕДАТЕЛ НА СДСМ: Повика на сплотеност и заедничка работа

Горан Герасимовски е потпретседател на СДСМ

Градоначалникот на Општина Центар, Горан Герасимовски, е избран за потпретседател на СДСМ. Одлуката е донесена на седница на Централниот одбор на партијата. Во своето обраќање, Герасимовски повика на сплотеност, меѓусебна доверба и заедничка работа во партијата. Тој порача дека различните ставови не треба да бидат пречка за заедничко делување околу принципите што ги поврзуваат членовите.

Повик за консолидација

Изборот доаѓа во период кога во СДСМ се водат разговори за иднината и организациското функционирање на партијата. Претставници на платформата „Разговори за иднината во 12:05“ најавија план за консолидација на СДСМ и окрупнување на опозицискиот фронт, при што побараа и промена на лидерската позиција. Претседателот на СДСМ, Венко Филипче, на овие барања одговори со повик за членовите да се „вразумат“.