УТРЕ ПРОМЕНЛИВО ОБЛАЧНО ВРЕМЕ: Температурата ќе достигне до 21 степен

Повремени врнежи во претпладневните часови

Времето утре во Македонија ќе биде променливо облачно, со повремени локални врнежи од дожд во претпладневните часови. Ќе дува слаб до умерен ветер од северен правец. Минималната температура ќе се движи од 7 до 14 степени, додека максималната ќе достигне од 15 до 21 степен, информира УХМР. Во Скопје се очекува облачно време, со повремени врнежи во текот на ноќта и во претпладневните часови.

Во следните денови повеќе сончеви периоди

Во главниот град минималната температура ќе се спушти до 11 степени, а максималната ќе достигне до 20 степени. Од недела и во текот на следната работна седмица ќе се задржи променливо облачно и потопло време, со сончеви периоди. Наместа ќе има услови за краткотраен дожд, а ветерот ќе биде слаб до умерен од северен правец.