ЈОВАНОВ ПОНУДИЛ ИМОТ КАКО ГАРАНЦИЈА: Обвинителството го одби предлогот

Дејан Јованов побара гаранција од 195.820 евра со недвижен имот за излез од куќен притвор, но обвинителството го одби предлогот.

објавено пред 31 минута

ЈОВАНОВ ПОНУДИЛ ИМОТ КАКО ГАРАНЦИЈА: Обвинителството го одби предлогот

Првообвинетиот за пожарот во дискотеката „Пулс“ во Кочани, Дејан Јованов, побарал да излезе од куќен притвор со понуда за гаранција во вредност од 195.820 евра. Јованов како гаранција понудил недвижен имот, меѓу кој и помошни простории, шупа, плевна и други објекти, пренесе СДК.

ТИМОТ ВЕШТАЦИ СО НОВИ ДЕТАЛИ ЗА „ПУЛС“: Полиетиленскиот сунѓер не смеел да се користи за спуштен плафон

Дел од имотот е предмет на извршување

Обвинителството за гонење организиран криминал и корупција доставило негативно мислење и побарало предлогот за гаранција да биде одбиен како неоснован. Според обвинителството, дел од понудениот имот е предмет на извршување, поради што не може да биде ставен под хипотека, ниту лесно да биде впаричен.

Јованов треба да излезе од притвор на 3 октомври

Во обвинението за пожарот во „Пулс“ има 34 обвинети лица, со Јованов како првообвинет. Во пожарот на 16 март 2025 година загинаа 63 лица, а повеќе од 200 беа повредени. Во меѓувреме, ОЈО ГОКК отвори и нова истрага за наводно давање поткуп поврзано со добивањето лиценци за објектот. За оваа истрага денеска треба да се одлучува и за нов притвор за Јованов.

ОЗНАКИ: дејан јованов