ЅВЕЗДАТА НА ПРЕМИЕР ЛИГАТА ОСТАНУВА ВО ЗАТВОР: Џои Бартон ќе го чека судењето до март

Поранешниот англиски фудбалер Џои Бартон останува во притвор откако судот во Ливерпул го одби неговото ново барање за кауција.

Судењето одложено за 2027 година

Бартон е обвинет за нанесување тешки телесни повреди на Кевин Линч, обвинение кое тој го негира и пред судот се изјасни за невин. Наводниот инцидент се случил на 8 март во Хајтон, по што Линч, според обвинителството, претрпел сериозни повреди на окото. Главниот претрес е одложен за 8 март 2027 година, а следното прелиминарно рочиште е закажано за 11 декември годинава.

Џои Бартон  – Богата кариера, но и бројни контроверзии

Бартон во својата играчка кариера настапуваше за Манчестер Сити, Њукасл, Квинс Парк Ренџерс и Барнли, а играше и за Марсеј и Ренџерс. За англиската репрезентација има еден настап, во 2007 година против Шпанија. По пензионирањето се посвети на тренерската работа, но и тој период беше проследен со повеќе контроверзии и дисциплински проблеми.