ЕБР одбележува 25 години од формирањето: Во Битола ќе има тактичко-показна вежба

Четврт век од формирањето на ЕБР

Единицата за брзо распоредување (ЕБР) денеска во Битола ќе ја одбележи 25-годишнината од своето формирање. Централниот настан ќе се одржи пред Офицерскиот дом во Битола, каде ќе се обратат министерот за внатрешни работи Панче Тошковски и командантот на ЕБР, Стојанче Николов. Одбележувањето е посветено на четврт век постоење на единицата и нејзината улога во системот на безбедност на државата.

Тактичко-показна вежба и изложба на опрема

Во рамки на настанот ќе биде изведена тактичко-показна вежба, на која припадниците на ЕБР ќе ги презентираат своите вештини и подготвеност. За посетителите ќе биде организирана и изложба на опремата која ја користи Единицата за брзо распоредување. Одбележувањето во Битола претставува можност јавноста да се запознае со дел од работата и капацитетите на единицата, која 25 години е дел од безбедносниот систем на Македонија.