МАКЕДОНИЈА ПАДНА ПОД МАЛТА: Поразот на Вардар ја влоши позицијата на УЕФА ранг-листата

Поразот на Вардар од фински КуПС во квалификациите за Лигата на шампионите донесе нов удар за македонскиот клупски фудбал.

Македонија остана со ист број бодови на УЕФА ранг-листата, додека Малта успеа да ја помине нашата земја благодарение на победата на нивниот првак Флоријана против ирски Шамрок роверс. Со тоа, Малта се најде пред Македонија на виртуелната табела на УЕФА коефициенти.

Ова е дополнителен сигнал за слабите резултати на македонските клубови во европските натпреварувања, каде секој бод е важен за идната позиција и за можностите при ждрепките.

Вардар загуби од КуПС во првиот европски настап ова лето, а македонските претставници ќе мора да бркаат подобри резултати во следните натпревари за да се поправи националниот коефициент.