НОВА АКАДЕМСКА ГОДИНА ЗА 53.500 СТУДЕНТИ: Околу 13.800 бруцоши денеска ги почнуваат студиите

Денеска, 1 октомври, официјално започнува новата академска 2026/2027 година на универзитетите во Македонија. Според објавените податоци, на додипломски студии во земјава има околу 53.500 студенти, од кои 46.925 се редовни, а околу 6.600 вонредни.

Околу 13.800 млади за првпат се запишуваат во прва година и денеска го имаат својот прв академски ден. На Универзитетот „Св. Кирил и Методиј“ во Скопје почетокот се одбележува со свечен прв академски час, доделување индекси и програма за новите студенти. На повеќе факултети се предвидени и посебни академски часови, ориентациски средби и запознавање со наставните програми и студиските правила.

За новите студенти, почетокот на академската година претставува премин од средношколскиот во академскиот свет. Универзитетите денеска повторно ги отвораат амфитеатрите за новата генерација студенти.

Извор: Паноптикум