ПАТУВАТЕ ВО СТРАНСТВО? Ова е важно да го направите пред да ја напуштите Македонија

Осигурувањето се вади пред патување

Патничкото осигурување често останува на крајот од списокот при подготовките за одмор, но неговото навремено склучување може да биде многу важно. Полисата треба да биде издадена пред да ја напуштите државата, бидејќи покритието зависи од условите и периодот наведени во неа. Доколку полисата се склучи откако патувањето веќе започнало, вообичаено нема да обезбеди покритие за ризиците што се случиле претходно. Тоа може да значи дека евентуалните трошоци за медицинска помош или други непредвидени ситуации ќе останат на товар на патникот.

Проверете ја полисата пред поаѓање

Затоа, пред патување треба да се провери дали полисата е издадена навреме и дали го опфаќа целиот период на престој во странство. Ова е особено важно за оние кои често патуваат, а за нив може да биде практична и годишна патничка полиса. Неколку минути посветени на проверка пред поаѓањето можат да спречат непотребни трошоци и проблеми доколку се случи нешто непредвидено.