ПЕКОЛ ВО ФРАНЦИЈА: 40 лица се удавиле обидувајќи се да се разладат од рекордните горештини

Франција погодена од екстремен топлотен бран
Четириесет лица се удавиле во Франција во последните денови, обидувајќи се да се разладат од рекордните горештини што ја зафатија земјата. Информацијата ја соопштил францускиот премиер, во период кога голем дел од Европа се соочува со екстремно високи температури. Франција е меѓу најпогодените земји, а во повеќе региони се издадени сериозни предупредувања за опасност од топлотниот бран. Според Метео Франс, температурите денеска се очекува да се движат околу 40 степени Целзиусови. Во делови од западна Франција се прогнозираат и температури до 43 степени.

Црвена тревога во 54 департмани
Франција штотуку го забележала своето најжешко попладне и најжешка ноќ откако започнале мерењата во 1947 година. Вкупно 54 департмани се ставени под црвена тревога, ниво кое метеоролозите го опишуваат како без преседан. Високите температури предизвикале сериозни проблеми и во секојдневното функционирање на земјата, особено во училиштата и транспортните мрежи. Со екстремни горештини се соочуваат и Велика Британија, Италија и Шпанија, каде властите апелираат граѓаните да бидат внимателни и да избегнуваат изложување на сонце во најтоплиот дел од денот. Топлотниот бран повторно го отвори прашањето за климатските промени и подготвеноста на европските земји за справување со сè почестите екстремни временски појави.