ПО ФИНАЛЕТО НА МУНДИЈАЛОТ СТАВИ КРАЈ НА КАРИЕРАТА: Винчиќ прогласен за најдобар судија на СП

Словенечкиот фудбалски судија Славко Винчиќ официјално ја заврши својата кариера, соопшти Фудбалската федерација на Словенија. Одлуката доаѓа една недела откако тој го судеше финалето на Светското првенство во кое Шпанија ја победи Аргентина со 1:0. Така, 46-годишниот Словенец ја заврши кариерата на најголемата можна фудбалска сцена.

Славко Винчиќ  е прогласен за најдобар судија на Мундијалот

Меѓународната федерација за фудбалска историја и статистика го прогласи Винчиќ за најдобар судија на Светското првенство во 2026 година. На турнирот тој беше главен судија на вкупно четири натпревари. Финалето меѓу Шпанија и Аргентина беше неговиот последен официјален меч.

Меѓународен судија од 2010 година

Винчиќ е роден на 25 ноември 1979 година во Марибор, а на листата на меѓународни судии се наоѓаше од 2010 година. Во текот на кариерата судеше голем број значајни натпревари во европските клупски натпреварувања и на репрезентативната сцена. Со судењето на мундијалското финале го достигна врвот на кариерата, по што донесе одлука да се повлече.