ПОЛНАЧИТЕ НЕ СЕ СЕКОГАШ БЕЗОПАСНИ: Еве зошто треба да ги исклучувате од штекер

Многумина го оставаат вклучен во штекер

Иако многумина ги оставаат полначите приклучени во штекер и кога не го полнат телефонот, експертите предупредуваат дека тоа не е најдобра навика. Полначот и без приклучен уред може да троши мала количина електрична енергија, а евтините или оштетени полначи претставуваат и потенцијален безбедносен ризик. Особено внимание треба да се посвети на полначите кои се загреваат, имаат оштетен кабел или покажуваат други знаци на неисправност. Оставањето на полначот постојано во штекер значи дека неговите компоненти се под напон, што со текот на времето може да придонесе за поголемо абење. Ризикот е особено важен доколку полначот се наоѓа под перница, на кревет или во близина на запаливи материјали. Затоа, како мерка на претпазливост, се препорачува полначите да се исклучуваат кога не се користат. Оваа едноставна навика може да помогне и во намалување на непотребната потрошувачка на електрична енергија.

Најважно е полначот да биде исправен

При изборот на полнач, особено важно е да се користат оригинални или квалитетни и сертифицирани уреди, бидејќи неисправните и неквалитетните полначи можат да претставуваат поголем ризик. Доколку полначот необично се загрева, има оштетувања или мириса на изгорено, треба веднаш да престане да се користи.