ПОПЛАДНЕВО АЛАРМ ЗА ПОЖАРИ: Ризикот е екстремно висок поради временските услови

Центарот за управување со кризи (ЦУК) предупредува дека денеска попладне значително ќе се зголеми ризикот од појава и брзо ширење на пожари на отворен простор и шумски пожари, поради многу високите вредности на индексот за опасност од пожари (FWI).

Според најновите проценки, временските услови создаваат исклучително поволна средина за брзо ширење на евентуални пожари, особено во регионите со сува вегетација и засилен ветер.

Од ЦУК апелираат граѓаните да бидат крајно внимателни и да избегнуваат какви било активности што можат да предизвикаат пожар, како палење оган на отворено, фрлање отпушоци или согорување отпад.

Надлежните институции остануваат во состојба на зголемена подготвеност и ја следат состојбата на терен, а доколку граѓаните забележат пожар, веднаш треба да го пријават на бројот за итни случаи.

Во услови на високи температури, силен ветер и ниска влажност на воздухот, дури и мал извор на оган може за кратко време да предизвика пожар од поголеми размери.