ПУКОТНИЦА ВО УЧИЛИШТЕ ВО ТАЈЛАНД: Двајца загинати, меѓу нив и напаѓачот

Меѓу повредените има ученици и наставник

Две лица загинаа, а повеќе се повредени во пукање во училиште северно од Бангкок, соопштија тајландските власти. Меѓу загинатите е еден наставник, како и осомничениот напаѓач. Според првичните информации, инцидентот го предизвикал ученик од училиштето. Меѓу повредените има наставник и четворица ученици, кои добиле медицинска помош.

Полицијата го истражува нападот

Полицијата го потврди инцидентот и започна истрага за околностите и мотивите што довеле до нападот. Засега не се објавени повеќе детали за состојбата на повредените. Случајот повторно го отвори прашањето за безбедноста во училиштата во Тајланд. Во земјата и претходно годинава беше регистриран сличен вооружен инцидент во образовна институција.