ДЕН НА ЖАЛОСТ ВО БУГАРИЈА ПО СТРАШНАТА ТРАГЕДИЈА: 12 загинати и 50 повредени во верижни судири на автопатот „Тракија“

Во верижни судири со 86 возила на автопатот „Тракија“ во Бугарија загинаа 12 лица, а 50 се повредени. Прогласен е Ден на жалост.

објавено пред 26 минути

ДЕН НА ЖАЛОСТ ВО БУГАРИЈА ПО СТРАШНАТА ТРАГЕДИЈА: 12 загинати и 50 повредени во верижни судири на автопатот „Тракија“

Најмалку 12 лица загинаа, а 50 се повредени во серија верижни сообраќајни несреќи на автопатот „Тракија“ во Бугарија. Во судирите учествувале дури 86 возила, а како причини се наведуваат густата магла и несоодветната брзина на движење. Поради големите последици и материјалната штета, властите прогласија делумна вонредна состојба во општините Јамбол, Тунџа и Стралџа.

Ден на жалост во Бугарија, повик за дарување крв

12 ноември е прогласен за Ден на жалост во Бугарија. Премиерот Румен Радев најави посета на местото на несреќата на автопатот кон Бургас, додека властите упатија апел до доброволните дарители на крв да помогнат во лекувањето на повредените. Надлежните служби продолжуваат со активностите по тешката несреќа.

Објавени снимки од дрон, сведочења на преживеаните

На социјалните мрежи се појавија снимки направени со дрон, кои го прикажуваат обемот на катастрофата и уништените возила. Една од патничките во автобус кој превезувал луѓе на одмор раскажа за драматичните моменти по судирот. „Најголемиот ужас беше во автобусот. Бевме еден врз друг. Кога излеговме, почнавме да се оддалечуваме од автобусот за да не се запали“, сведочеше таа.