(ВИДЕО) ХЕЛИКОПТЕР СЕ УРНА ВО КАНАДА: Четири лица загинаа во несреќата

Леталото се запалило по падот, истрагата е во тек

Четири лица загинаа откако хеликоптер се урна во близина на Сент-Брижид-д’Ибервил во канадската провинција Квебек. Несреќата се случила околу 14:30 часот по локално време, а леталото било во пламен кога пристигнале службите за итни случаи. Покраинската полиција Sûreté du Québec ја потврди смртта на сите четири лица кои се наоѓале во хеликоптерот. Засега не се објавени информации за идентитетот на загинатите. Полицијата исто така не соопшти кому му припаѓал хеликоптерот, од каде полетал и која била целта на летот. На местото на несреќата пристигнале истражители од Канадскиот одбор за безбедност на сообраќајот. Истрагата треба да ги утврди причините и околностите под кои дошло до падот.