ВО ЧЕСТ НА ЗАГИНАТИТЕ ВО „ПУЛС“: Утре ќе биде осветен Крст кај „Национал“ во Кочани

Во недела, 12 јули, ќе биде осветен новопоставениот Крст кај кружниот тек во близина на „Национал“ во Кочани. Осветувањето е закажано во периодот од 10:30 до 11 часот. Чинот ќе го изврши митрополитот Брегалнички г. Иларион, во сослужение со свештеници од кочанското архиерејско намесништво. Крстот е поставен во чест и вечен спомен на децата кои трагично ги загубија животите во пожарот во дискотеката „Пулс“. На настанот се очекува присуство на граѓани, семејства и верници. Присутните ќе имаат можност да им оддадат почит на загинатите.