МАЛОЛЕТНИК ОГРАБИЛ ЦРКВА ВО ТЕТОВО: Украл пари и предмети, полицијата го уапсила на градскиот плоштад

Mалолетник ограбил црква во Тетово

Шеснаесетгодишен малолетник од Тетово бил уапсен под сомнение дека извршил тешка кражба во црквата „Света Богородица“ во градот. Според информациите од Министерството за внатрешни работи, тој бил лишен од слобода синоќа околу 23:30 часот на Градскиот плоштад во Тетово.

Од црквата одзел пари и повеќе предмети

Малолетникот се сомничи дека истиот ден, околу 21:10 часот, влегол во верскиот објект и одзел пари и други предмети. Полицијата го лоцирала и го привела нешто повеќе од два часа по пријавената кражба.

Разговор во присуство на родител и социјален работник

За настанот бил известен јавен обвинител, а со шеснаесетгодишникот бил извршен службен разговор во присуство на родител и претставник од Центарот за социјални работи. Од МВР најавија дека по целосното документирање на случајот против малолетникот ќе биде поднесена соодветна пријава.