ХРВАТСКА УКИНУВА ПАТАРИНИ ОД 2027: Возилата мора да бидат пријавени во системот и нема да има застанување

Хрватска од 1 март 2027 година воведува нов електронски систем за наплата на патарини, наречен „Crolibertas“. Со новиот систем возачите ќе можат да минуваат низ автопатите без застанување на наплатни рампи и без плаќање на лице место. Пред користење на автопатот, возилото ќе мора да биде регистрирано во системот за наплата. Возачите на патнички возила ќе можат да користат ENC уред или да ја пријават регистарската ознака и да ја поврзат со важечко средство за плаќање. За возилата потешки од 3,5 тони, користењето ENC уред ќе биде задолжително.

Камери ќе го регистрираат секое возило во Хрватска

Поминувaњето на возилата ќе го евидентираат специјални портали опремени со камери и друга технологија, без потреба од застанување за плаќање патарина. Системот ќе го регистрира возилото и ќе овозможи автоматска наплата според поминатиот дел од автопатот.

Новиот систем на целата мрежа без патарини

„Crolibertas“ ќе биде воведен на целата мрежа на автопати во Хрватска. Со тоа, традиционалните наплатни рампи ќе бидат заменети со електронски систем кој треба да овозможи побрзо движење и помали застои на автопатите.