ММФ ЈА ЗГОЛЕМИ ПРОГНОЗАТА ЗА РАСТ НА МАКЕДОНСКАТА ЕКОНОМИЈА: Се очекува раст од 3,5% во 2026 година

Меѓународниот монетарен фонд (ММФ) ја зголеми прогнозата за раст на македонската економија на 3,5 проценти за 2026 година. Новата процена укажува на подобрени очекувања за економската активност во земјава во однос на претходните проекции. Прогнозата е дел од редовните процени на Фондот за движењата во светската и регионалните економии.

Раст во 2027 година се очекува да изнесува 3,2 проценти

Во најновиот извештај, ММФ предвидува дека македонската економија и во 2027 година ќе продолжи да расте, со проектирана стапка од 3,2 проценти. Претходната прогноза за 2026 година изнесуваше 3,1 процент, што значи дека очекувањата се подобрени за 0,4 процентни поени.

Македонија меѓу земјите со повисок прогнозен раст во регионот

За 2026 година, ММФ прогнозира раст од 3,5 проценти и за Албанија и Косово, 3,2 проценти за Србија, 3 проценти за Црна Гора, 2,6 проценти за Бугарија, 2,2 проценти за Хрватска, 2,3 проценти за Босна и Херцеговина и 1,8 проценти за Грција. Фондот ја зголеми и прогнозата за глобалниот економски раст на 3,1 процент за оваа година, но предупреди дека остануваат ризици поврзани со повисоките цени на енергентите и геополитичките тензии