КИНА СО ВОЕНИ ВЕЖБИ ВО ЈУЖНОТО КИНЕСКО МОРЕ: Одржува поморски и воздушни маневри околу спорниот гребен

Вежбите се одржуваат околу гребенот Скарборо

Кина денеска започна со поморски и воздушни воени вежби околу гребенот Скарборо во Јужното Кинеско Море, соопшти Народноослободителната армија на Кина. Источниот театар на кинеската армија наведе дека во операцијата учествуваат воени бродови и авиони. Според кинеската страна, вежбите се насочени кон патролирање и проверка на способностите за контрола на областа. Гребенот Скарборо се наоѓа на околу 220 километри од филипинскиот брег и е предмет на долгогодишен спор меѓу Пекинг и Манила. Кина го смета гребенот за дел од својата територија, додека Филипините го оспоруваат кинеското право врз областа. Вежбите се одржуваат во период на зголемени тензии меѓу двете земји околу спорните подрачја во Јужното Кинеско Море. Пекинг во соопштението не наведе колку долго ќе траат воените активности.