ПРОМЕНЛИВО ОБЛАЧНО СО СОНЧЕВИ ПЕРИОДИ: Температурите денеска ќе достигнат до 21 степен

Времето денеска ќе биде променливо облачно со повремени сончеви периоди. Претежно во западните и северните делови од земјава ќе има повремени слаби врнежи од дожд. Ќе дува слаб до умерен ветер од јужен правец. Минималните температури ќе се движат од 7 до 14 степени, додека максималните ќе достигнат од 15 до 21 степен.

Најтопло во југоисточните делови

Највисоки температури до 21 степен се очекуваат во југоисточниот дел од земјата, додека во западните и северните предели максималните ќе се движат претежно од 15 до 19 степени.

Во Скопје променливо облачно

Во Скопје времето ќе биде променливо облачно, со слаб ветер од променлив правец. Температурата ќе достигне до 15 степени, а измерените метеоролошки параметри се: воздушен притисок од 980 хектопаскали, влажност од 68 проценти и ветер со брзина од еден метар во секунда.