РАСТЕ БРОЈОТ НА СТРАНСКИ ТУРИСТИ ВО МАКЕДОНИЈА: Најмногу гости пристигнале од Турција, Германија, Србија и Бугарија

Во Македонија во мај годинава биле регистрирани вкупно 131.723 туристи, покажуваат најновите податоци на Државниот завод за статистика. Од нив, 106.756 биле странски туристи, додека 24.967 биле домашни гости.

Расте бројот на странски туристи во Македонија

Во текот на мај биле остварени вкупно 236.727 ноќевања, при што дури 75,8 проценти отпаѓаат на странските туристи. Домашните туристи учествувале со 24,2 проценти од вкупниот број ноќевања.

Во периодот од јануари до мај 2026 година, вкупниот број туристи е зголемен за 2,6 проценти во споредба со истиот период минатата година. Бројот на странските туристи пораснал за 4,9 проценти, додека кај домашните туристи е забележано намалување од 4,4 проценти.

Најмногу туристи пристигнале од Турција

Најбројни меѓу странските гости биле туристите од Турција, од каде во мај пристигнале 34.681 лице. Следуваат туристите од Германија со 9.578, од Србија со 7.605 и од Бугарија со 4.858 посетители.

Истовремено, вкупниот број ноќевања во првите пет месеци од годинава е зголемен за еден процент. Кај странските туристи е регистриран раст на ноќевањата од 3,3 проценти, а кај домашните намалување од 4,1 процент.

Извор: Курир