(ВИДЕО) АНА СТОЈАНОСКА ЌЕ ЈА ПРЕТСТАВУВА МАКЕДОНИЈА: Со „Идната јас“ на Јуниор Евросонг во Малта

Ана Стојаноска – „Идната јас“  промовирана песна

Младата пејачка од Струга, Ана Стојаноска, е овогодишната македонска претставничка на Јуниор Евросонг. Таа денеска официјално ја промовираше песната „Идната јас“, како и видеоспотот со кој ќе настапи на меѓународниот натпревар. Песната носи порака за самодовербата, детските соништа и храброста младите да останат свои додека го пронаоѓаат сопствениот пат. Музиката е на Николче Мицевски, додека текстот го потпишува Илчо Нечовски. На сцената во Малта, Стојаноска ќе настапи заедно со танчарките Калина, Каја и Елена, а кореографијата е на Илија Карадакоски. Македонската делегација ќе ја предводи шефицата на делегацијата Дијана Гогова. Јуниор Евросонг 2026 ќе се одржи на 24 октомври во Малта, а МРТВ најави директен пренос од натпреварот со почеток во 21 часот.

Голема сцена за младата пејачка

За Стојаноска ова ќе биде голема меѓународна сцена на која ќе има можност да ги покаже своите вокални способности пред публика од Македонија и од цела Европа. Со песната „Идната јас“, младата пејачка ќе се обиде да го претстави македонскиот музички талент на Јуниор Евросонг.