(ВИДЕО) МЛАДИ ОД АЕРОДРОМ, ЃОРЧЕ ПЕТРОВ, ДРАЧЕВО И КАРПОШ НА МЕТА НА СРПСКИ КРИМИНАЛЦИ: Ги регрутирале за работа во криминални групи

објавено пред 21 минута

Вчерашната емисија на „КОД“ е една од досега најгледаните, а во неа се зборува за еден проблем кој стихијно поминува во македонската јавност, а тоа е ангажман на момчиња од Скопје за српски криминални групи. Според нивните информации, најмалку 16 млади момчиња од Македонија досега биле идентификувани како лица кои заминале во Србија и биле вовлечени во активности на организирани криминални групи. Најголем дел од нив биле на возраст до 21 година, а меѓу нив имало и постари малолетници кои во Србија наполниле 18 години.

Според истражувањето, младите најчесто потекнувале од скопските населби Аеродром, Ѓорче Петров, Карпош и Драчево. До нив, според „КОД“, се стигнувало преку лица од Македонија поврзани со криминалното милје, кои им нуделе „работа“ во Србија и им ветувале голема заработка. По регрутацијата следувало заминување во Србија, а во одредени случаи, според емисијата, биле користени и лажни документи или илегални премини. Истражувањето наведува дека пошироката бројка на идентификувани млади Македонци поврзани со вакви структури се движи меѓу 16 и 20 лица.

Нашата редакција направи краток исечок: