Македонија
Дознај прв
(ВИДЕО) „УРСУЛА, НЕ СИ ДОБРЕДОЈДЕНА“: Демонстранти во Варна го гаѓаа автомобилот на Фон дер Лајен со јајца
Урсула фон дер Лајен беше пречекана со протест во Варна. Демонстранти ја гаѓаа колоната со јајца, овошје и зеленчук, барајќи мир и противејќи се на еврото.
Претседателката на Европската комисија, Урсула фон дер Лајен, беше пречекана со протести при посетата на бугарскиот град Варна, каде демонстранти ја гаѓаа нејзината колона возила со јајца, овошје и зеленчук. Протестот го организираа приврзаници на националистичката партија „Преродба“ пред Военопоморската академија „Никола Јонков Вапцаров“. Учесниците извикуваа дека Фон дер Лајен не е добредојдена и порачаа дека Бугарија не треба да биде вовлечена во војната во Украина.
„НАТО надвор“ и пораки против војната
На транспарентите беа испишани пораките „НАТО надвор“, „Сакаме нашите деца да живеат во мир“ и „Работа, а не војна“. Дел од демонстрантите се спротивставија и на воведувањето на еврото, барајќи Бугарија да ја задржи националната валута – левот. Со протестот тие ги изразија своите ставови против военото ангажирање и промените во монетарниот систем на земјата.
View this post on Instagram
Најавена европска помош за безбедноста во Варна и Црното Море
Посетата на Фон дер Лајен беше посветена на безбедноста во Црното Море. Таа најави 50 милиони евра европска помош за формирање заеднички центар за поморска безбедност на Бугарија и Романија, како и дополнителни 10 милиони евра за зајакнување на бугарските капацитети за пребарување и спасување на море.
