ГОЛЕМА СПАСУВАЧКА АКЦИЈА ВО РУСИЈА: 117 туристи заглавени на вулканот Толбачик

Невремето го уништило патот

Вкупно 149 лица останале заглавени на вулканот Толбачик на рускиот полуостров Камчатка, откако силно невреме го уништило патот до туристичката маршрута. Меѓу нив има 117 туристи, кои поради непристапниот терен не можат да го напуштат подрачјето по копнен пат. Останатите 32 лица се возачи и засега ќе останат на локацијата. Ситуацијата наложила организирање голема спасувачка операција и воздушна евакуација.

Туристите од Толбачик ќе бидат евакуирани со хеликоптери

Планирано е туристите и нивните водичи со хеликоптери да бидат пренесени до селото Есо, од каде со автобуси ќе продолжат кон Петропавловск-Камчатски. Надлежните служби ја организираат евакуацијата поради уништениот пат, кој оневозможува безбедно враќање на групата. Засега нема информации за повредени лица, а спасувачката операција продолжува со цел сите туристи безбедно да бидат извлечени од вулканското подрачје.