(ВИДЕО) ПИВО – 16 ЕВРА: ХАОС НА ОКТОБЕРФЕСТ: За помалку од три часа околу 50 медицински интервенции

Турканици и сериозни повреди на почетокот на Октоберфест

Само неколку часа по официјалното отворање на Октоберфест во Минхен, медицинските екипи веќе имале околу 50 интервенции. Според првичните информации, дел од посетителите се здобиле и со посериозни повреди, меѓу кои повреди на главата, длабоки исеченици и повреди на лицето. Кај едно лице бил регистриран и тежок напад на грчеви. Најголем дел од инцидентите се случиле за време на традиционалното влегување во фестивалските шатори, кога голем број посетители потрчале да обезбедат место. Во турканицата дошло до повеќе падови и повреди.

Засилени безбедносни мерки во Минхен

И покрај хаотичниот почеток, фестивалот продолжил со предвидената програма и со засилени безбедносни мерки. Баварскиот премиер Маркус Седер го посетил медицинскиот центар на Терезиенвизе и им дал поддршка на лекарите и медицинскиот персонал. Овогодинешниот Октоберфест го следат и повисоки цени, па литар пиво во дел од шаторите достигнува до 15,90 евра.

#Oktoberfest #Wiesn. Das Spektakel geht los pic.twitter.com/dgV0Lc8itH

— Hubert Aiwanger (@HubertAiwanger) September 19, 2026

🍻🏃‍♂️Wiesn-Auftakt: Erste Gäste stürmen Münchner Oktoberfest

…wie die Verrückten…unglaublich🤦‍♀️ pic.twitter.com/fNbBIYnopk

— Marie (@kripp_m) September 19, 2026