УАПСЕН ОСОМНИЧЕНИОТ ЗА УБИСТВОТО ВО ДУЌАНЏИК: Кучи фатен во Косово

Уапсен во меѓународна полициска акција

Во Косово е уапсен Рами Кучи, првоосомничениот за убиството на 26-годишниот А.М. во скопската населба Дуќанџик. Кучи бил уапсен од косовската полиција во рамки на меѓународна акција за недозволена трговија со дрога на територијата на Косово. За него претходно била распишана централна и меѓународна потерница.

По вториот осомничен сè уште се трага

Тешкиот инцидент се случи на 6 септември, кога Кучи и И.С., според сомнежите, пукале кон група лица од мотоцикл во движење. Во престрелката бил убиен 26-годишниот А.М., а уште неколку лица биле повредени. По вториот осомничен, И.С., сè уште се трага.