Колумбија по разорниот земјотрес: спасувачите трескавично трагаат по преживеани

Земјотрес со магнитуда 7,4 предизвика тешки последици во западниот дел на Колумбија, оставајќи зад себе разурнати објекти, оштетена инфраструктура и најмалку 164 жртви. Спасувачките екипи и натаму работат на терен, бидејќи постои надеж дека под урнатините има луѓе кои можат да бидат извлечени живи.

Во Кали, еден од најпогодените градови, делови од болнички објект се урнаа, поради што околу 600 пациенти мораа да бидат префрлени и згрижени надвор од зградата. Во потрагата по преживеани се вклучени спасувачи, полицајци, војници и волонтери, кои со часови расчистуваат бетон и метал од урнатите објекти.

Најтешко погодени Кали, Переира и Чоко

Според досегашните информации, најголем број жртви се регистрирани во Кали и Переира, додека дополнителни жртви има и во департманот Чоко. Во повеќе населени места се пријавени сериозни оштетувања на станбени објекти и инфраструктура.

Во Манизалес е оштетена и кула на истор