РИСТЕСКИ: Цените и инфлацијата се под контрола, засега нема потреба од нови мерки

Владата ќе интервенира доколку се појави потреба

Инфлацијата и цените на производите во Македонија засега се контролираат и нема потреба од воведување нови економски мерки, изјави заменик-министерот за економија и труд Марјан Ристески. Тој посочи дека Владата веќе ги намалила акцизата и ДДВ-то за нафтените деривати, со цел цените на горивата да останат пониски од оние во соседните земји. Според него, последното поскапување на дизелот е резултат на движењата на светските берзи. Ристески нагласи дека секоја нова мерка мора внимателно да се анализира за да не предизвика дополнителна инфлација и негативни последици врз економијата.

Најавени повисоки казни за нефер трговски практики

Контролата на околу 700 производи од страна на Државниот пазарен инспекторат покажала дека во изминатиот период нема поголемо зголемување на цените, додека сезонските земјоделски производи и овошјето поевтиниле. Ристески изјави дека минималните поскапувања главно се последица на повисоките транспортни трошоци и цените на увезените суровини. Наесен се очекуваат измени на Законот за нефер трговски практики, со кои максималните казни, кои сега изнесуваат до 20.000 евра, би се зголемиле десеткратно. Предлог-измените треба да бидат доставени до пратениците по летниот одмор, а нивното усвојување се планира пред Нова година.