Стружанец пријавил грабеж со оружје, па признал дека целата приказна ја измислил

Пријавил дека бил нападнат од повеќе лица

Стружанец на 32-годишна возраст пријавил во полиција дека бил ограбен со закана со огнено оружје, но по преземените мерки било утврдено дека случајот бил измислен. Како што информира МВР, ОВР Струга поднела кривична пријава против К.Р. (32) од Струга поради сомнение за сторено кривично дело „лажно пријавување кривично дело“. Случајот бил пријавен на 17 август годинава во ОВР Струга. Според неговата првична пријава, тој тврдел дека во Струга бил грабнат од повеќе лица, кои му се заканувале со огнено оружје.

По разговорот ја признал измислената приказна

Полицијата презела мерки и активности за расчистување на случајот, при што било утврдено дека пријавениот настан воопшто не се случил. Стружанецот бил повикан на службен разговор во полициската станица, каде што признал дека лажно го пријавил грабнувањето. Против него сега е поднесена кривична пријава поради лажно пријавување кривично дело.