48.499 ДЕНАРИ ПРОСЕЧНА ПЛАТА: Еве во кои сектори се заработува најмногу, а каде најмалку

Просечната нето-плата 48.499 денари

Просечната месечна исплатена нето-плата по вработен во јули 2026 година изнесувала 48.499 денари, покажуваат податоците на Државниот завод за статистика. Во однос на јули 2025 година, просечната нето-плата бележи номинален пораст од 9,1 отсто. Реалниот пораст, односно растот коригиран за инфлацијата, изнесува 5,6 отсто. Највисока просечна нето-плата е регистрирана во секторот „Компјутерско програмирање, консултантски и сродни дејности“, каде што изнесувала 115.742 денари. Од друга страна, најниска просечна плата имале вработените во секторот „Производство на облека“, со 30.464 денари, додека во угостителството просечната плата била околу 31.000 денари.

Раст на платите во повеќе сектори

Според статистичките податоци, пораст на просечната нето-плата во јули е забележан во повеќе сектори во однос на истиот месец минатата година. Најголем номинален раст е регистриран во дејностите поврзани со производство на електрична опрема, компјутерско програмирање и други професионални активности.