ГОРИВАТА ПОЕВТИНУВААТ: Дизелот поевтинува за 8, бензините за 4 денари

Регулаторната комисија за енергетика донесе одлука за намалување на цените на горивата, која стапува во сила од полноќ. Дизелот поевтинува за 8 денари по литар, додека бензините ЕУРОСУПЕР БС-95 и БС-98 се намалуваат за по 4 денари.

Новата максимална цена на ЕУРОСУПЕР БС-95 ќе изнесува 87 денари за литар, а БС-98 ќе се продава за 89 денари. ЕУРОДИЗЕЛ БС ќе чини 91,5 денари за литар. Малопродажната цена на екстра лесното масло за домаќинство се намалува за 6 денари и ќе изнесува 92,5 денари за литар. Поевтинува и мазутот, чија цена се намалува за 2,881 денари за килограм и ќе изнесува 43,538 денари.